Kleidertausch

26. März 2023

! GIRLS ONLY !

Wer kennts nöd? Kleidigsstück ligged i dim Schrank und warted sehnsüchtig druf, bis dus eendlich mol wieder ahziehsch… und bi jedem mol Schranktür uf und zue mache, bricht ihres chline Stoffhärzli es bitzli meh, will sie eifach immer ignoriert werded 💘

Fass dir jetzt es Herz und gib dene Kleidigsstück e Chance uf es erfüllters Lebe. Mach mit bim DEPO3-Kleidertuusch und ermögliche öperem, di vo dir ignorierte Kleider so richtig glücklich z mache.

So funktionierts: Mischt jetzt din Kleiderschrank us. Bring d’Kleider, wo du nüme möchtsch am 26. März, 18:00 Uhr is Kulturforum in Amriswil. Bring bitte nur suberi und ganzi Kleidigsstuck mit.

Leg dini Kleider uf vorbereiteti Tisch us und lueg, ob anderi Stück de Sprung i din Kleiderschrank schaffed. Mir wönd e Kultur vode Grosszügigkeit lebe, drum bis nöd entdüscht, wenn du vilich nöd genau glich vill wieder mit nimmsch, wie du brocht hesch. Du hesch ganz sicher öperem es mega Gschenk gmacht und de Spass söll im Vordergrund stoh.

Mit allem, wo a dem Obig kein neue Bsitzer gfunde het, unterstützed mir de Verein Blossom und spended de Rest a ihri Secondhand Läde in Sulge und Wiifelde.